忽發奇想，諗起都幾多廣東歌寫美國地方
香港紐約 – Twins
//來年好姊妹總會直飛紐約
然而想唱聚 只怕沒有卡拉OK 腳
仍然很掛念所以 恨透你的紐約//
好聽呀，講朋友出國讀書，想當年Twins主打學生市場，好正😍
我啱移民美國果陣聽，都幾有共鳴
德州的故事 – Twins
//甜蜜時 你帶我去德州搞入籍 小鎮亦壯麗
你做牛仔 我做牛仔身邊吉蒂
留下來 你至發覺德州中原來 金礦入滿泥
快樂牛仔 變做窮鬼 也不失禮//
我去德州自駕遊果陣，都係一路諗住呢首歌🤣
騷靈情歌 – 張敬軒
//愛似藍調遇節奏
如此即興 彷彿紐約某橫街
有異國喇叭 美麗塗鴉
一身膚色因你變得黑//
每次聽都想喺紐約搵個地方聽下Jazz
緣份的天空 – 湯寶如
//在遠方於西雅圖天空 是你孤寂和心痛
如每滴淚 擦過夜空 在這方車廂裏微風中//
呢首太經典，都係因為呢首歌識西雅圖
家陣黎到美國，聽返呢啲歌，都另有一番滋味了
暫時諗到呢幾首….呀仲有「自由神像，在遠方迷霧」～～
我諗仲有…? 歡迎留言交流，好想聽多啲唔同既歌😎
