昨日（1月5日)開始，揸車入曼哈頓中城／下城區，就要比$9過路費啦：
週一至週五凌晨5時至晚上9時，週六﹑日上午9時至晚間9時
一般車輛就收$9 過路費 (Congestion fee)，每日只收1次
呢個政策係全美國首例
今日係第一個工作日收費，似乎有啲成效，睇新聞都見明顯少左車
不過今日落雪，都會少啲人揸車，要睇多幾日先知有無用
對我來說，平日係無影響
本來我就唔會揸車出城，泊車貴，又唔可能搵到街位
但星期六日都收錢，只令我都會更加唔想出城了…
因為巴士地鐵周末都係好垃圾…😥
今次政策我諗最大影響到的，除左搵食車及商戶
仲有平日會揸車入城返工的升斗市民，佢地未必有錢，只係公司有車位
又或者由NJ／上州入，無得唔揸的人
每日$9 係幾大既成本，的確令有啲人卻步
但我諗，過多排，啲人慣左消化左，又會故態復萌，都一樣會係咁塞
作為依然要搭公共交通工具的我，只希望啲錢收左返黎
真係有如政府咁講，用作改善巴士地鐵，唔好成日無啦啦跪喺度，準時啲
至於平安乾淨呢啲，太高層次了，我已經置諸度外，不能奢求了
執筆至此，我都覺得自己很天真很傻🤣
