聽日國慶放假，我話哂喺美國幾年了，有點經驗（我以為）
我知道假期前夕，有啲鋪頭可能隨時早收，好似香港過中秋過年咁
（就算唔係假期，如果唔係旺區旺鋪，有啲鋪頭都係隨心開，反正佢唔使care你）
自問中過幾次伏，不能盡信google map open hours
今日自以為醒目，3點打定電話，問鋪頭係咪仲開:
佢：We are open till 5.30，你過黎無問題呀😊
我：我應該4半左右到，係咪都可以？
佢：無問題呀，我地仲開門架 😊
我：咁我4半到丫，我會準時, 謝謝😃
去到竟然見到拉左閘😱 ，我果刻係拒絕相信的..
電話中，佢語氣是多麼的誠懇啊 ( 感受到係😊)
我諗…可能準備關門啫，入面仲開既..
但拍門都無人應
唯有再打去啦，雖然機會渺茫，都搏下佢見到有客就開門
響左幾下就被cut 線…明顯唔想聽😞
好彩唔太熱
若然烈日當空咁行一輪﹑自命做足準備
都仲係摸門釘真係會想反枱的…..
嗚…結論：打多次電話confirm? 但我3點打架啦喎
結論: 永難估計﹑唔好諗住有個譜﹑防不勝防﹑自求多福….等等
寫出黎好似誇張左啲…
今次明明都係小事一樁
但見微知著, 其實諗落…美國/紐約都幾多野係咁的…
或者很多事. 預左「難以預料」「估佢唔到」的心態，生活可能會好啲?
在想, 或者這是在美國的生存之道?
PS: 預左「估佢唔到」, 咁算係「估到」定「估唔到」? 🤣🤣
