或者無乜人再care COVID, 但紐約依然會有得免費派COVID test kit
每個住址可拎4 盒，直接免費寄到府上
喺疫情嚴重果時已經有
登記非常簡單, 比個地址就OK, 唔使信用卡﹑身份證, 求其放個名都得
當時有唔少派錢/派津貼/派食物，都係咁樣做
最多只需要地址﹑電話，但唔係為左check 身份， 純粹要聯絡到你﹑寄野比你
因為呢度係極多人無身份證﹑亦無信用卡﹑甚至無電話（雖然少啲）
作為香港人，第一時間就諗「唔怕濫用？ 」「唔怕有人重覆拎？」
紐約係唔怕，總之就係想幫緊你幫緊你
只要你有需要既，佢無論點都會幫你，你點都會交到申請
有啲政策推出時，如果係唔需要身份證明既話，係會直接標明
希望無證人士，唔使怕身份問題，而唔敢拎應得既援助
又或者係擔心你唔識上網，會set 啲位有人現場幫你
又或者係擔心你唔識睇英文，有多語言版本提供，或者有個翻譯熱線
總之，只要你想申請，你一定識＋交到申請 （批唔批就另一回事）
可能你會覺得紐約很左膠…但，始終人口太diverse，有唔少人確實有逼切需要既
btw 有興趣既就去usps (美國郵政) 登記啦～
網站: https://special.usps.com/testkits
