神隱左兩個月tim，皆因忽發奇想，興之所至….返左香港
12月24日road trip時，衝動地換左張機票，12月29就飛
好痴線地快閃式返左香港一轉….
留港15日左右…做隻幸福港豬，每日食玩買，勁多野想講，太多文想寫了，
於是就懶寫…..哈, 終於今日的起心肝，慢慢清文啦
(仲有上年50日跨州之旅…幾時先寫得哂…嗚,比啲掙扎，比啲鼓勵我)
＿＿＿＿認真開波寫文的分隔線＿＿＿＿
今次係在下第一次咁last min 換國際飛，亦係第一次換直飛返香港既機票
一向我係先搵Air Canada 同United，最易有位﹑最易睇位
但竟然喺英國航空(BA)見到12月底至1月初幾近日日都有國泰航班 (國泰與英航係同一聯盟, One World,可互換機票)，由紐約JFK 單程直飛香港，經濟艙只需36250 Avios + USD$175.7（稅）
經國泰Asia miles，就更加多班次，日日三班都有位，稅金就差唔多，但里數就需要38,000 Asia Miles，咁梗係經英航換啦
——講下點樣換——
同香港一樣，美國都有好多信用卡比你儲分換機票，而且信用卡積分不會過期，仲要有最少10間航空里程任你轉分入去，今次我係動用Chase ink business 既迎新獎賞（總共75,000分，夠換香港紐約來回了）換飛
單憑呢張卡，係唔可以轉分去航空公司，必須持有Chase Ink Business Preferred或Sapphire Preferred或Sapphire Reserve，將ink business 既分，轉入以上其中一張卡，先可以再轉入航空里程計劃，換取機票。
寫到好複雜tim，但過程超快
- 我有Sapphire Preferred （旅行必備神卡）,所以喺Chase 積分平台ultimate rewards 網站將ink business分轉入去
- 將Sapphire Preferred 分數，轉入英國航空里程(1:1 兌換率)，等大概10-15 分鐘，就喺英航見到里數
然後就可即時換機票，而我本身英航是有4000里數左右（之前租車旅行經Avis儲的），所以只需再加32,000就換到機票啦。好感動啊!!!
——評下抵唔抵換——
先講里數成本，由紐約返香港，一般里數成本，以tripplus工具作參考，最平係32.5K,美國航空，但在美國很難儲，我亦無乜
容易用信用卡儲分的，例如維珍或是哥倫比亞里程計劃，換星空聯盟的話，就大概是45,000 分左右，但相對易儲，我都鍾意轉機，有時稅金仲會平少少。
而國泰既Asia miles，其實我主力係留比老人家，佢地覺得直航安心啲，但對我黎講係極難儲，因為chase是無法轉分去國泰，所以好幸運，我今次可以經英航換到國泰票，既用少啲分，仲要唔係用國泰分，實在超開心。所以，里數成本（以及難易度）來講 —算好抵呀～～
而且，最重要既一點，今次即興trip，唔敢去太耐，我亦想留最多時間喺香港，在香港過2024在香港旅遊見朋友見親人，所以今次竟然有得換直飛，實在係fit哂
於是我就咁癲，起飛前5日就毅然出左張飛，雖然去少一個轉機既地方，但非常滿意這個換飛，出發咯～
下期預告:
1. 國泰直飛的親切感
2. 回程張飛點算? 梗係返到香港先睇，但國泰無再放飛lu
然後介乎法國與韓國的詩意，我選了首爾，下回分解
最最最後: 如果對Chase Ink Business/ Sapphire Preferred 信用卡有興趣的話，歡迎用我referral link 申請 : lnk.bio/nyhkmiles
