今日特朗普就職
第一夫人戴住頂帽，真係相當礙眼，報道話，佢戴帽係有原因既
但….我自問唔識欣賞啦🤣
今日咁啱假期，一家人可以圍爐睇直播，
不論政見，始終都民選總統，美國盛事我都會想睇下
最令我驚喜既，無線新聞台竟然全程直播，
而且特朗普演說時，仲有即時傳譯！！！！！😍
傳譯員非常專業，當然特朗普用字係淺白啲，
但傳譯員即席發揮左40 分鐘左右，講得好通順，聽得好舒服，
已經完完全全，將美國所有華人媒體﹑翻譯比下去
家中長輩唔識聽英文，都終於可以睇埋一份
我已經好耐無睇無線新聞咁大篇幅做國際新聞了
雖然同以前比，當然失色，我記得以前會有專題分析
但今時今日，仲有直播，仲有即時傳譯比大眾聽，已經覺得好驚喜了
諗起當年，爸媽睇明珠930，佢地唔識英文，全靠廣東話配音先去睇，
都係我睇美劇﹑荷里活片的源起….甚至可謂我接觸美國的第一道窗
可惜，家陣明珠台已經無哂廣東話配音了😥😥
