今日睇日食好正好開心!
本來係有啲唔開心…因為自己明明一早就已經知，但一直以為有排…..
明明一早知圖書館一早就有得派眼鏡，但一直無去拎
突然間星期日晚先醒起，連去amazon 訂眼鏡都買唔切
唯有自己跟NASA 指引，快手整個盒…嗚好山寨啊
然後拎左個盒就出Kissena Park，好彩沿路好多人借我睇
用眼鏡睇係最好既，好多謝各位
註:這是經觀測眼鏡﹑用手機影低既日食
而我整既盒, 無錯係好山寨，但WORK!!!! 很不可思議呀!!
雖然真係幾細粒，要認真細睇先得
但竟然..雲海都反映到，好神奇～
今次日全食好難得，仲咁多個州都睇到
有啲州食甚時有雲，好好彩紐約州全程睇到哂
我幾鍾意睇星空野， 每次睇都覺得宇宙好奧妙
在浩瀚星際下，一切萬物﹑各樣煩惱都變得好渺小
也想起「天地與我並生 萬物與我齊一」
雖然身處紐約，但我識揸車後，都去多左空曠地方
多左機會欣賞大自然﹑獨處冥想
曾經見到有thread po 大意係：
「移左民既香港人一定係太苦悶先出po，努力工作既人邊得閒」
佢可能啱，但我幾慶幸有「餘閒」(悶?)的空間
就這樣望雲觀星，聽海浪聽風呼鳴
要心閒＋有喘息空間才做到
在香港，總有人要用「我好忙架」才證明到自己
全世界都有這類人
但如果滿足到基本需要，不妨都留空間與自己喘息
想清楚生活的Priority
來到紐約後，我幾慶幸多點空間游入了思海 看日落天荒
可能是開車時 可能是行公園時 可能是坐subway 發呆時
香港也有這些機會 且行且珍惜
#solareclipse#nycsolareclipse#hkermiles#hk2nyc#solareclipse#solareclipse2024#solareclipsenyc
