聽日係感恩節啦～！！！相信大家都在磨刀霍霍，準備好一連N日嘅大出血
感恩節﹑Black Friday 黑色星期五，仲有Cyber Monday
睇左上個post <準備篇>的話，應該大致諗好買咩，同埋登記好哂信用卡優惠，今集係<實戰篇>，正式落單比錢之前，我會做啲咩？
- Promotion code
呢個太緊要，喺香港，我地都幾習慣特價貨無得再減，或者用左折扣券就諗住end game，但美國唔係咁玩法，非常喜歡玩「訊息差」，有時已經特價貨，都仲可以繼續入promotion code 不斷層層疊咁加優惠都OK，例如免運費Free Shipping, 新會員登記15%off，都係常見嘅優惠。
所以在真正落單付款之前，總會有一欄填promotion code, Google一下﹑或是在網站找找，通常都有，最易找到的是免運費，我很不喜歡為湊夠免運費金額，而買不需要的東西，有免運費code已經幫我慳唔少
- 賺額外回贈—換機票？
上回提到有現金回贈平台Rakuten, 我首推這個，因為現金回贈最實際。但要是你有儲飛行里數的話，也有其他回贈平台可以考慮，我也有用AAdantage eShopping Portal, 儲美國航空的里數，而美國航空是「寰宇一家」One World 成員，里數可以換國泰﹑英國航空﹑日本航空的航班。除了美國航空之外，聯合航空﹑阿拉斯加航空等都有類似的平台，可以睇下。
留意：現金回贈和里數回贈平台，只可擇一，唔能夠食兩家茶禮架
- 去可信的網站
這個講出黎好似好白痴，但喺美國好易中招，特別呢幾日會有大量的廣告去引你買，由一個可信既網站，不知不覺連去一個假網﹑或者唔識既網。簡單用Google 格價，都會見到賣得特別平的網站，要是沒有聽過的﹑Cash back 平台﹑信用卡都沒有合作的話，Google又不太找到資料，我就一定避開，因為很可能是貨品很平呃你入去﹑但運費貴，甚至是假網站只呃信用卡資料。而且不熟悉的鋪頭，意味著自己都未必知點樣退貨，都是避之則吉
- 留意退貨詳情
美國退貨很簡單，大多不需理由，總之你不喜歡都可以退，甚至也不一定要求要貨品如新﹑留有價錢牌（當然不要太離譜，講個信字吧），然而退貨的地方可以很遠﹑或是郵寄很麻煩，之所以在感恩節特別提醒，是因為優惠當前，很容易會衝動買錯野。而且，有時責任都不在自己，始終太多人買野了，我也試過收到錯的貨品，所以過來人的經驗，我買就預左可能要退，所以我會避開難退貨的鋪頭。
好咯，寫住咁多先，我要準備聽日買買買啦～
