最近麥記向日本動畫致敬，將M 字logo , 掉轉成為Ｗ 字
因為無數日本卡通片既美式快餐內容，都係寫W 記 HAHA
成個logo 掉轉都係第一次見，以沉悶的紐約麥記來說，已經係非常有新鮮感
所以就趁熱鬧去睇下，果然drive thru 都幾多人，唔少人都喺門口打卡我就堂食叫左麥樂雞餐，味道當然係一樣，新醬是微辣BBQ無乜特別
黎到美國，反而少食麥記，亦無乜衝動去食香港就話方便啫，紐約反而唔係四圍有麥記，Starbucks 就真係似香港老麥，隔幾條街就必定見到
我今日都係要揸車10 分鐘去，勝在有樓上雅座，可以望到戶外，都幾舒服的
香港人成日話日本麥記幾咁正，而無為意其實香港麥記都非常多姿多采: 阿華田趣趣早餐﹑飯tastic ﹑扭扭通粉﹑綠茶新地好立克新地﹑奶茶乜乜物物
相比之下，美國麥記可謂非常沉悶，就只有經典﹑一般見到的食物，世界各地都有啦，唯一特別之處可能係懷舊feel，因為唔少街坊鋪頭都keep 住80,90年代的裝修（都無打算update），去到外州更感受到美式風情
仲有樣超級特別﹑令我當場震驚的事一定要跟大家說：
原來喺美國，豬柳蛋漢堡只限早餐時間出現，有如薯餅
有一日，我中午12點鐘去叫豬柳蛋漢堡，職員竟然話無，我諗住自己英文唔好佢聽唔明，一而咁再拎張相比佢睇，因為我唔信係會無
那次是我人生第一次drive thru，我唔識點收科，平日喺鋪面就咁退後走， 但我後面有車，我完全唔知點算， 又無其他野要買
唯有講左一句唯一我識 + 肯定有既英文: can I have a burger? 然後落荒而逃
自問我面皮十萬尺厚，但果一刻都覺得太滑稽尷尬了 HAHAHA~~
