住左紐約幾年，我大致都知冬天點著衫應對嚴寒
基本上，0°C 以上﹑唔大風的話，我唔會覺得凍 (係, 我仲係睇攝氏…)
如果有陽光的話，棲身一抹暖光，我甚至覺得幾正幾舒服
但黎緊幾日……..就日日負數，仲要-13°C 😣
我就真係有啲腳震震
必須要提提大家，不能輕視啦
除非你出入揸車，仲要門口有位泊，無縫交接咁唔使吹風，否則…
諗起寒風下等一架唔知幾時黎既車
諗起著衫都起碼著番10 分鐘….一定要層層式洋葱咁著
因為一入巴士地鐵，又會熱到飛起
如果無得坐，無得除衫，仲要個個米芝蓮車胎人迫黎迫去😣
好啦，焗到成身汗之後，一出去又凍到癲
百般滋味在心頭呀，嗚
利申：暖氣雖好，但我仲未慣，太暖我會好眼訓，太乾我又唔鍾意🤣
